حافظي علي شعرك بعد السيشوار او المكواه

حافظي علي شعرك بعد السيشوار او المكواه

النهارده جايبة لكم موضوع جديد خالص وياريت اسمع رددكم اذا كان حد جرب الموضوع ده او انه هيعمله 100 100
المهم بصو بقه يالكتاكيت شوكو احنا طبعا لما بنعمل سيشوار او مكواه في شعرنا كبرنا يومين وشعرنا يخرب تاني وده اذا كان مخربش من تاني يوم علي طول انا بقه هقولكم النهارده اذي تحفظو علي شعركم
في عادات خاطئة تتبع دايما من معظم البنات في لف الشعر يعني مثلا انتي عملتي شعرك وقعدتي بيه طول النهار وعند النوم طبعا رحتي لفه شعرك كحكه او ربطه اي ربطه ورحتي نايمه هتقومي الصبح هتلاقي شعرك في اول يوم من الامام هايشعايشة الدور عنكبوت الشر ومن وراء كويس وملولو وطبعا دي طريقة غلط
ناس تانيه بتلف شعرها طاقية وتنام ودي لحد ما طريقة صح بس في ناس بقه مش بتعرف يعني ايه لف الطاقيه مرض الهزهز او مش بتعرف اصلا تلف طاقية وفي ناس بتكون مستعجله فامش بتلف طاقية اصلا همممم
بصو بقه انا بعمل ايه والله شعري بيقعد معايا المده اللي انا عاوزها الوقت رغم كمان اني بتوضاء بيه
انا بجي عند النوم واجيب بكر ( لورو) البكر اللي بيكون عند الكوافير اللي بيلف عليه الشعر بجيب بكرة واحده و2 مشبك شعر او بانس واجيب شعري كله للامام منصور يعني اوطي راسي للامام واسرح شعري وبعدين اجيب رابطه الشعر ( التوكه الاستك) واربط شعري بيها بس اخليها سايبه في شعري يعني يدوبك لفه واحده وبعدين ابدء من نهايه شعري اللي مدلدل معايا للامام واروح لفه شعري علي البكرة يعني مكان البكرة يكون في نصف راسي الامامي واقوم حطه المشابك بتاعت الشعر ورابطه شعري باشارب خفيف وياريت يكون مخرم او فيه فتحات علشان تهويه الشعر في الصيف وانام ولما اقوم الصبح بفك البكرة واالله شعري بيكون احسن من اول يوم وبيكون انعم وبيلمع وكمان مش بيهيش طول النهار لاني البكر بطبعته بيفرد الشعر
وكل مره تعملو فيها شعركم بيكون احسن من اول مرة
وبالهناء والشفا وكل شعر حلو وانتو بخير ياكتاكيت .......................مبسوطةباحبه يا ماما


منقول للافادة العامة من فتكات